Մայր աթոռ Սուրբ Էջմիածնից արձագանքել են Կովկասի մուսուլմանների վարչության նախագահի ստահոդ հայտարարություններին։ Բաքվում կայացած Ղազիների խորհրդի նիստում Շեյխ-ուլ-իսլամ Ալլահշուքյուր Փաշազադեն հայտարարել է, թե իբր Հայաստանում տասնյակ դարեր գործող հայկական սրբավայրերը, անգամ 1700-ամյա Սուրբ Էջմիածնի մայր տաճարը, գտնվում են «պատմական ադրբեջանական հողերում»։ 

Անհեթեթ պնդումների շարքը Փաշազադեն եզրափակում է Հայ առաքելական եկեղեցին ներկայացնելով որպես սպառնալիք տարածաշրջանի երկրների համար, ընդգծել են եկեղեցուց։  Զավեշտալի է, որ Խորհրդային իշխանությունների ազգաշինարարության արդյունքում 1930-ականներին «ադրբեջանցի» էթնոնիմը ստացած ժողովրդի հոգևոր առաջնորդը փորձում է վիճարկել պատմականությունը հայ ժողովրդի, որի հազարամյակների հոգևոր-մշակութային ժառանգությունը համընդհանուր ճանաչում ստացած իրողություններ են։