Կայքերի աշխատանքը կարգավորվում է Cloudflare-ի խնդիրների լուծումից հետո

18 NOV 2025 17:43

Մենք տեսնում ենք, որ ծառայությունները վերադառնում են բնականոն ռեժիմի, սակայն շարունակում ենք խնդիրների լուծումը, քանի որ հաճախորդների մոտ կարող են դեռևս երևալ սովորականից ավելի շատ սխալներ (errors)։ Այդ մասին հայտարարություն է տարածել Cloudflare ընկերությունը։

«Մեր աջակցության պորտալի մատակարարը ներկայումս խնդիրներ ունի, որոնք հաճախորդների մոտ սխալներ են առաջացնում աջակցության հարցումները դիտելիս կամ դրանց պատասխանելիս: Սա չի ազդում հաճախորդների հարցումներին պատասխանելու մեր հնարավորության վրա, և հաճախորդները դեռ կարող են կապվել մեզ հետ Cloudflare-ի ուղիղ չաթի միջոցով կամ զանգահարելով մեր արտակարգ իրավիճակների համարին», - գրել է Cloudflare-ը։

Հիշեցնենք, որ նոյեմբերի 18-ին, օրվա երկրորդ կեսին, շատ կայքեր աշխատում էին խափանումներով; Այդ խնդիրը զգացվել է ոչ միայն ՀՀ-ում, այլև մի շարք այլ երկրներում։