Փեզեշքիանը Փաշինյանին հրավիրել է Իրան

19 AUG 2025 13:50

Օգոստոսի 19-ին ՀՀ վարչապետի և ԻԻՀ նախագահի կողմից ստորագրված համատեղ հայտարարության մեջ անդրադարձ կա նաև հայ-ադրբեջանական հարաբերություններին։

Նույն հայտարարության մեջ՝ Իրանի նախագահ Մասուդ Փեզեշքիանը վարչապետ Նիկոլ Փաշինյանին Իրան այցելելու հրավեր է հղել: Ընդունելով հրավերը՝ Հայաստանի վարչապետն իր հերթին երախտագիտություն է հայտնել:

Աջակցելով Հայաստանի Հանրապետության և Ադրբեջանի Հանրապետության միջև խաղաղության համաձայնագրի առնչությամբ զգալի ձեռքբերումները՝ կողմերն ընդգծել են տարածքային ամբողջականության, հավասար ինքնիշխանության, քաղաքական անկախության և ճանաչված միջազգային սահմանների անձեռնմխելիության հարգման անհրաժեշտությունը։