Ռուսաստանն Իսրայելին հետախուզական տվյալներ է տվել Իրանի դեմ 12-օրյա պատերազմում

26 AUG 2025 15:06

Իրանի Քաղաքական նպատակահարմարության որոշման խորհրդի անդամ Սեյեդ Մոհամմադ Սադրը Seenergyir ալիքին տված հարցազրույցում հայտարարել է, որ Ռուսաստանը Իսրայելին հետախուզական տվյալներ է տրամադրել Իրանի հետ 12-օրյա պատերազմի ընթացքում, հաղորդում է The Insider -ը։

«Ռուսաստանը Իսրայելին տեղեկատվություն է տրամադրել Իրանում ՀՕՊ համակարգերի տեղակայման մասին», - ասել է Սեյեդ Մոհամմադ Սադրը։ Նա հայտարարել է՝ Իրան-Իսրայել հունիսյան զինված հակամարտությունը «ցույց տվեց, որ Մոսկվայի հետ ռազմավարական դաշինքն անօգուտ է»:

Պաշտոնյայի խոսքով՝ դա չի նշանակում, որ Մոսկվան և Թեհրանը չպետք է հարաբերություններ ունենան։ «Մենք հարևաններ ենք, բայց վստահել չի կարելի» - նշել է նա։