ՀՀ պետական պարտքն աճում է. փորձագետները մտահոգված են

29 SEP 2025 17:30

Ադրբեջանի նախագահ Իլհամ Ալիևը ՄԱԿ-ի Գլխավոր ասամբլեայում ընդգծել է իր երկրի տնտեսական կայունությունը և ցածր արտաքին պարտքը՝ հպարտանալով ներդրումային բարենպաստ միջավայրով։ Հայաստանի դեպքում, փորձագետները մտահոգված են պետական պարտքի արագ աճով, որը 2025-ին գերազանցում է տնտեսության աճի տեմպերը։ Նրանց գնահատմամբ՝ հիմնական խնդիրը ոչ թե պարտքի ծավալն է, այլ պետական միջոցների անարդյունավետ ծախսը և տոկոսային բեռի մեծացումը, ինչը կարող է բյուջեի վրա լուրջ ճնշում գործադրել։ Տնտեսագետները հորդորում են պարտքը դիտարկել որպես ծայրահեղ միջոց և առաջնահերթ բարելավել հարկաբյուջետային քաղաքականությունն ու ծախսերի արդյունավետությունը։