Արման Անդրեասյանը հաղթեց ադրբեջանցի մրցակցին և դուրս եկավ ԱԱ կիսաեզրափակիչ

Անդրեասյանն ադրբեջանցու նկատմամբ հաղթանակով դուրս եկավ ԱԱ կիսաեզրափակիչ

Խորվաթիայի մայրաքաղաք Զագրեբում անցկացվող ազատ ոճի ըմբշամարտի աշխարհի առաջնությունում աշխարհի բրոնզե մեդալակիր, Եվրոպայի չեմպիոն Արման Անդրեասյանը դուրս եկավ կիսաեզրափակիչ: 70 կգ քաշայինների քառորդ եզրափակիչում նա գոտեմարտեց Եվրոպայի բրոնզե մեդալակիր, Ադրբեջանի ներկայացուցիչ Քանան Հեյբատովի հետ եւ համառ պայքարում հաղթանակի հասավ 8:6 հաշվով:

Երեկոյան մրցահերթում աշխարհի բրոնզե մեդալակիրը կպայքարի եզրափակիչի ուղեգրի համար:

Արման Անդրեասյանն աշխարհի առաջնությունում պայքարը սկսել է որակավորման փուլից, որտեղ գոտեմարտի ավարտից 2 վայրկյան առաջ հաղթանակի էր հասել Տաջիկստանը ներկայացնող, ռուս Վիկտոր Ռասադիի նկատմամբ:

1/8 եզրափակիչում Եվրոպայի չեմպիոնը 4:1 հաշվով առավելության էր հասել Սերբիայի ներկայացուցիչ Վիկտոր Ստիվեն Վոինովիչի նկատմամբ: