Արամ Ղազարյանը նոր ոստիկանապետ է նշանակվել

Արամ Ղազարյանը նշանակվել է ոստիկանության պետ՝ ՆԳ նախարարի տեղակալ

3 JUN 2025 10:38

Արամ Ղազարյանը նշանակվել է ոստիկանության պետ՝ ՆԳ նախարարի տեղակալ

3 JUN 2025 10:38

ՀՀ վարչապետ Նիկոլ Փաշինյանի 2025 թվականի հունիսի 3-ի որոշմամբ, Արամ Ղազարյանը նշանակվել է Ներքին գործերի նախարարության ոստիկանության պետ՝ ՆԳ նախարարի տեղակալի պաշտոնում։ Այս մասին հայտնում է Հայաստանի Հանրապետության Ներքին գործերի նախարարությունը։

Իսկ ո՞վ է նոր ոստիկանապետը․ կենսաբանության ուսուցչից մինչև ոստիկանապետ։
Արամ Ղազարյանը աշխատանքային ուղին սկսել է որպես ուսուցիչ։

1994-1999 թթ․ աշխատել է Տավուշի մարզի Վարագավանի միջնակարգ դպրոցում՝ որպես քիմիայի և կենսաբանության ուսուցիչ։
2000-2001 թթ. եղել է Լոռվա միջազգային համալսարանի գիտական քարտուղարը։
2001թ․ սկսել է կարիերան ոստիկանության համակարգում։
2001-2003 թթ. եղել է Վանաձորի ներքին գործերի բաժնի անչափահասների գործերով տեսուչ։
Մոտ 15 տարի համակարգում զբաղեցրել է տարբեր պաշտոններ՝ 2016-ին նշանակվելով Ոստիկանության Լոռու մարզային վարչության պետ, 2019-ին՝ Գեղարքունիքի մարզային վարչության պետ։
2019-2020 թթ. եղել է ՀՀ ոստիկանության կադրերի ռեզերվում։
2020թ. նշանակվել է Կոտայքի մարզային վարչության Կոտայքի բաժնի պետ։
2020 թ. դեկտեմբերի 3-ից եղել է ՀՀ ոստիկանության Շիրակի մարզային վարչության պետը։
2023 թ. Հունիսին նշանակվել է «Երևան ՋԷԿ» ՓԲԸ-ի գլխավոր տնօրեն:
2024թ. հունվարին նշանակվել է Լոռու մարզպետ: Այդ պաշտոնում աշխատել է մոտ մեկուկես տարի։
2025-ի հունիսի 2-ին հրաժարական է տվել մարզպետի պաշտոնից ու մի քանի ժամ անց նշանակվել ՆԳՆ տեղակալ-Ոստիկանության պետ։

Support independent, transparent, and fact-based broadcasting.

ReOpen is yours to read, watch, learn, discuss, and express freely. With your support, it remains impartial and belongs to everyone.