Անհետ կորածի հորեղբայր Արսեն Ղուկասյանը կալանավորվել է 1 ամսով

7 OCT 2025 16:00

44-օրյա պատերազմում անհետ կորածի հորեղբայր Արսեն Ղուկասյանը կալանավորվել է 1 ամսով։ Պատճառը օրեր առաջ պաշտպանության նախարարության շենքի մոտ անցկացված ակցիան է, որի ժամանակ քաշքշուկ էր սկսվել ռազմական ոստիկանների և անհետ կորածների հարազատների միջև:

Ակցիայից հետո նախարարության և ռազմական ոստիկանության ծառայողների հաղորդման հիման վրա ձերբակալվել են անհետ կորած անձանց հարազատներ Արսեն Ղուկասյանը և Ապիջան Սարգսյանը, որն ավելի ուշ ազատ է արձակվել։ Նրանց մեղադրանք է առաջադրվել խուլիգանության, ինչպես նաև պաշտոնատար անձի օրինական ծառայողական գործունեությանը միջամտելու հոդվածով, ինչը պաշտպանական կողմն անհիմն է համարում։