Հայաստանն ու Ադրբեջանը հարմարվել են խաղաղությանը․ Ալիև

Ադրբեջանի նախագահը հայտարարել է, որ և՛ Ադրբեջանը, և՛ Հայաստանը արդեն հարմարվել են խաղաղ պայմաններում ապրելուն։ Այս մասին Ալիևը ասել է Կոպենհագենում Եվրոպական խորհրդի նախագահ Անտոնիու Կոշտայի և Եվրոպական հանձնաժողովի ղեկավար Ուրսուլա ֆոն դեր Լայենի հետ հանդիպման ժամանակ։

Եվրոպացի բարձրաստիճան պաշտոնյաները շնորհավորել են Ալիևին Հայաստանի և Ադրբեջանի միջև խաղաղության օրակարգի շուրջ Վաշինգտոնում ձեռք բերված հաջողությունների կապակցությամբ։ Նրանք հույս են հայտնել, որ այս առաջընթացը կծառայի տարածաշրջանում կայուն խաղաղության ապահովմանը։

Ի պատասխան՝ Ադրբեջանի նախագահը նշել է, որ խաղաղության օրակարգի հետ կապված ձեռքբերումները պատմական նշանակություն ունեն ողջ տարածաշրջանի, այդ թվում՝ Հայաստանի և Ադրբեջանի համար։

«Ե՛վ Հայաստանը, և՛ Ադրբեջանն արդեն հարմարվել են խաղաղ պայմաններում կյանքին», - ընդգծել է նա՝ հավելելով, որ իր երկիրը կշարունակի ջանքերը խաղաղության։