Աֆղանստանում խոշոր ավտովթարի հետևանքով 76 մարդ է զոհվել

20 AUG 2025 08:44

Աֆղանստանում խոշոր վթար է տեղի ունեցել։ Նախնական տվյալներով՝ զոհվել է 76 մարդ, այդ թվում՝ 17 երեխա։

Ըստ տեղի աղբյուրների, Հերաթ նահանգում ուղևորատար ավտոբուսը բախվել է բեռնատարի և մոտոցիկլետի հետ, ինչից հետո բռնկվել է հրդեհ:

Պաշտոնական աղբյուրների համաձայն, ավտոբուսը տեղափոխում էր Իրանից վտարված աֆղան միգրանտների:

Ոստիկանության տվյալներով՝ բեռնատարը տեղափոխում էր վառելիք, ինչն էլ առաջացրել է մեծ հրդեհ: